Teie te mau fa’aotira’a i ha’amauhia i Pōrīnetia farāni

’Ia au te fa’aotira’a a te Fa’aterera’a Hau fenua nō Pōrīnetia farāni ’e te Tōmitērara’a teitei :
1 – E ’ōpanihia te mau fare ha’api’ira’a nō te tuatahi ’e te tuarua a te Hau ’e ’e’ere nā te Hau i te mahana toru 18 nō māti 2020 ’ia fa’aoti te ha’api’ira’a.
2 – Mai te monirē pō 16 nō māti, ’ua fa’anahohia te fa’aho’ira’a tamari’i i roto i te mau ’utuāfare. Nō te mau ha’amāramaramara’a hau atu ’a niuniu atu i te fare ha’api’ira’a.
3 – ’Ua fa’anu’uhia mai te fa’aeara’a ha’api’ira’a. E ha’amata i te mahana mā’a 21 nō māti 2020, e tae atu i te tāpati 5 nō ’ēperēra 2020. E ha’amauhia te hō’ē fa’auera’a mana e te ’ āpo’ora’a Hau fenua.
4 – ’Ia au te huru o te ea i Pōrīnetia farāni, e fa’aotihia te ’ōpanira’a o te mau fare ha’api’ira’a mai te monirē 6 nō ’ēperēra 2020. E fa’anahohia te hō’ē rāve’a nō te tāmau-noa-ra’a i te ha’api’ira’a i te fare.
5 – E ha’ataimehia te mau hi’opo’ara’a, te mau tau ha’api’ipi’ira’a tōro’a mai te 19 nō māti. Nō te ha’amata fa’ahoura’a, e fa’aarahia atu ’outou i muri a’e.

  • Te mau ti’a e ti’a’au nei teie parau: E nehenehe te mau fa’atere ha’api’ira’a nō te tuarua ’e te tuatahi e pāhono atu i tā ’outou mau uira’a.
  • Nō te mau uira’a i te mau ta’ata rave ’ohipa nō te ea i ni’a i te COVID19, ’a niuniu atu i te 444 789
  • Nūmera niuniu rū 15
  • Parau fa’aarara’a ’e te mau uira’a e ’ite-pinepine-hia nei : https://www.service-public.pf/dsp/covid-19/
En savoir plus